காதலின் மீதியோ நீ-1

காதலின் மீதியோ நீ

காதலின் மீதியோ நீ-1

டெல்லியில் இருக்கும் ஒரு பெரிய ஷாப்பிங் மாலில் நித்ரா தனது கையில் குழந்தையோடு நின்றிருந்தாள்.

“ச்ச்சை இந்த அக்காவும் அத்தானும் எங்கதான் போனாங்க?வரவர இரண்டும் ஆளுக்கொரு பிள்ளையை அம்மாக்கிட்டயும் என்கிட்டயும் தள்ளிட்டு தனியாக போய் என்ஜாய் பண்ணுதுங்க. வரட்டும் இனி உன் குழந்தையை நீயே வைச்சுக்கோன்னு சொல்லுறேன்”என்று புலம்பிக்கொண்டே திரும்பினாள்.

அங்கே பின்னாடி வந்துக்கொண்டிருந்தவன் மேல் தனது கையில் உள்ள ஸ்ட்ராபெர்ரீ ஜூஸினை அப்படியே திரும்பிய வேகத்தில் அபிஷேகம் பண்ணியிருந்தாள்.

அந்த ஜூஸ் சிந்தியதைக்கூடக் கவனிக்காது அவளது அக்கா மித்ராவைத் தேடிக் கொண்டிருந்தாள்.

தன்மேல் வந்து அபிஷேக மழையாக விழுந்த ஜூஸினைக் கண்ட ஆயுஷ் யாரோ ஜூஸை வேண்டுமென்றே ஊற்றிவிட்டனர் எனக் கோபத்தில் அடிக்க கையோங்கியவாறே”ஏய் பாகல் லடிக்கி”என்று வந்தான்.

அவளோ “இந்தாளு எதுக்கு கையை ஓங்கிட்டு இந்தில என்னமோ சொல்லிட்டு வர்றான்?” என்று முழித்துக்கொண்டு நின்றாள்.

அதற்குள் அவனருகில் நின்றிருந்த ஆயுஷின் பிரண்ட் சிராக் அவனது கையைப்பிடித்துக்கொண்டான்.

அதற்குள் அவளது கையில் இருந்தக் குழைந்தையை பார்த்தும் கொஞ்சம் அமைதியாகி கையை கீழே போட்டான்.

அவளைப் பார்த்தவுடனே புரிந்துவிட்டது. முடியை இடுப்புக்கு கீழே வரைக்கும் பின்னல் போட்டு தலை நிறைய பூ வைச்சு அழகான மெருன்கலர் ஸ்டிக்கர் பொட்டு வைச்சிட்டு நின்றிருந்தவளைப் பார்த்தவுடனே சவுத் இன்டியன் லேடிபோல என்று கேவலமாகப் பார்த்தான்.

”கையிலக் குழந்தை இருக்கில்ல உன் ஹஸ்பண்டுக்கிட்ட குழந்தையைக் குடுத்திட்டு என்னைத்தையாவது குடிச்சுத் தொலையேன்.எதுக்கு என்மேல ஜூஸைக் கொட்டின? உன்னை மாதிரி லோக்கல்ஸ் எதுக்கு இங்கெல்லாம் வர்றீங்க.ச்சை என் ஷேர்ட் போச்சு அதுவும் ஹாஃப் வெயிட் ஷேர்ட் ஜூஸ் பட்டதும் கரைதெரியுது பாரு.நானே பிரண்டஸ்ஸோட பார்ட்டிக்குப் போக வந்தேன்.இப்படிப்போனால்

உன்னை மாதிரிதான் லோக்கலாதான் நிக்கணும்.என் ஸ்டேட்டஸ் என்னனு தெரியுமா”என்று ஹிந்தியில் வாய்க்கு வந்ததைத் திட்டிக்கொண்டிருந்தான்.

அதைக்கேட்ட நித்ராவுக்கு அவன் பேசியது புரியாவிட்டாலும் ஹஸ்பண்டு லோக்கலு சவுத்இண்டியன்னு ஹாஃப் வொயிட் ஷேர்ட் என்று சொன்னதெல்லாம் புரிந்ததும்.

அதன்பிறகுதான் தனது கையில் இருந்த கப்பினைப் பார்த்தள்.அதில் ஜூஸ் கால்வாசிக்கூட இல்லை.

அச்சோ இந்த ஜூஸ்தான் அவன் சட்டையில் இருக்கோ?.அச்சோ நான் குழந்தையை வைச்சிட்டு அக்காவைத் தேடித் திரும்பினதுல கொட்டிருக்கோ நான் கவனிக்கலயே.ஆனால் அதுக்கு எதுக்கு இந்த மைதாமாவுக்கு மீசையை ஒட்டுனவன் மாதிரி இருக்கவன் லோக்கலு சவுத்இன்டியன்னு திட்டுறான்? அடங்கொய்யால” என்று நினைத்தவள் அவனின் அருகில் சென்றாள்.

அவள் வேகமாக நெருங்கவும் அவனும் கோபத்தில் அவளிடம் நெருங்கிவந்தான்.

“வாட் டிட் யூ சே மேன்.யூ ஆர் யூ டிப்பிக்கல் பான்பீடா நார்த்இன்டியன். யூ ஆர் சேயிங் மீ அஸ் அ சவுத் இன்டியன். யூ இடியட் மேன்.மீ நோ”என்று கோபத்தில் வந்த இங்க்லீஷ்ல எகிறிப் பேசினாள்.

“வாட் மீ இடியட்? யூ லோக்கல் மதராஸி” எனக்கத்தியவன் அவள் பேசியதைக் கேட்டுக் கோபத்தில் அவளைப் பிடித்துத் தள்ளிவிடப் போனான்.

அதற்குள் கையில் இருந்து குழந்தை பெருங்குரல் எடுத்து அழவும் அவளை சும்மாவிட்டவன் ”யூ.. யூ கிரேஸி அக்லி சாக்லேட் யூ ஆர் இடியட் ஒன்.ஹவ் டேர் யூ டாக் டூ மீ லைக் திஸ்”என்று திட்டினான்.

“போடா டேய் அப்படித்தான்டா திட்டுவேன் மைதாவுல குழைச்ச வெண்ணெய் போடா டேய்.ஜூஸ் தெரியாமல்தான் சிந்திச்சு. அதுக்கு எதுக்குடா ஓவர் பில்டப்பு கோக்குமாக்கா குடுக்கிற வோயிட்மங்கி”

அவள் என்ன பேசுகிறாள் என்று புரியாது கேட்டு நின்றிருந்தவள் அவள் சொன்ன கடைசி வார்த்தையைக் கேட்டான்.

அவ்வளவுதான் வொயிட் மங்கி என்ற வார்த்தை மட்டும் இங்க்லீஸ்ல இருந்ததால் அவள் தன்னை மங்கின்னு சொல்லுகிறாள் என்று புரிந்தவன் “ஏய் கவனமா பேசு” என்று கையை நீட்டி கோபத்தில் எச்சரித்தான்.

“என்னை வொயிட் மங்கின்னு சொல்லுறியா?”

“எஸ் நீ மட்டும் என்னை அக்லி சாக்லேட்டுன்னு சொன்னல்ல சாவுடா சாவு “என்று அதையும் தமிழ்ல சொல்லித் திட்டினாள்.

அவனாவது இங்கிலீஷ்ல திட்டினான்.இவளோ புரியாது தமிழ்ல திட்டிவிட்டு சாவுடா என்று நின்றிருந்தாள்.

அவன் எப்படி என்னை சாக்லெட்டு அதுவும் அக்லி சாக்லெட்டுன்னு சொல்லலாம்? என்று கோபம் இருந்தது.அதற்குள் பக்கத்துக் கடையில் நின்றிருந்த தனமும் ருக்குமணியும் நித்ராவின் சத்தம் ஓடிவந்தனர்.

“ஏன்டி எதுக்கு இப்படி கத்துற?” என்று வந்து அவளைப் பிடித்துக்கொள்ளவும்தான் ஓஹோ இந்த மதராஸி குடும்பத்தோடு வந்திருக்காளா? இவ புருஷனைக் கூப்பிட்டு நாலு அறைக் கன்னத்துலயே குடுக்கணும் என்று நினைத்த ஆயுஷ் உடனே அவளிடம்”வேர் இஸ் யூவர் ஹஸ்பண்ட் லேடி. ஐ வான்ட் கிவ் சம் கிக் டூ யுவர் ஹபி”என்று நேரடியாகவே சொன்னான்.

“வாட் ஹஸ்பண்ட்டா? ஐ டோன்ட் ஹாவ் ய ஹஸ்பண்ட்”என்று பட்டென்று வாய்க்கு வந்த இங்கிலீஸில் சொல்லிவிட்டாள்.

அதைக்கேட்டதும் ஒருமாதிரி கேவலமான லுக்கில் அவளைப் பார்த்தன்.அந்தப் பார்வையில் புருஷன் இல்லாமலே பிள்ளையை கையில வைச்சிருக்க.என்ன மாதிரி பொண்ணு நீ என்ற ரீதியில் பார்த்தான்.அவனுக்கு இருந்தக் கோபத்தில் அப்படித்தான் அவனது மூளையும் யோசித்ததே தவிர தனியாக ஒரு பெண் குழந்தையோடு இருக்க ஆயிரம் காரணம் இருக்கும் என்பதையெல்லாம் அவனது மூளை இப்போது யோசிக்கவில்லை.

‘ஏன் இந்த வெண்ணெய் இப்படிப் பாக்குது?” என்று நித்ரா யோசித்தாள்.

அதன்பிறகுதான் அட கிறுக்கபயபுள்ள.கல்யாணம் முடியலன்னு சொல்லிருக்கணும். அதைவிட்டுட்டு ஒரு குழந்தையோடு நின்னு சண்டைப்போட்டு புருஷன் இல்லன்னு சொல்லிட்டிருக்க.உன் இங்க்லீஷ்ல நல்ல ஆணி அடிச்சு காலண்டரத்தான் தொங்கவிடணும் என்று அவளது மூளை காறித்துப்பியது.

அதற்குள் அவனது நண்பன் சிராக் “வா நம்ம பார்ட்டிக்கு நேரமாகிட்டு. பெர்த்டேகாரன் வெயிட் பண்றான்,வா” போகலாம் என்று இழுத்துக் கொண்டுப்போனான்.

அவன் போவதைப் பார்த்திருந்தவளின் மண்டையில் தனம் வந்து நச்சென்றுக் கொட்டினார்.

“ஏன்டி அதுதான் ஹிந்தி தெரியலல.இங்கிலீஷ்லயாவது ஒழுங்கா பேசலாம்ல. எதுக்கு கோபத்துல அப்படி பார்த்திட்டு நிக்கிற லூசு மாக்கான் மாதிரி?”என்று திட்டினார்.

“யம்மாஆஆ சும்மா சும்மா எதுக்கெடுத்தாலும் அடிக்காதம்மா? ஒரு வயசுக்கு வந்த அழகான பிள்ளையை இப்படியாக் கண்ட இடத்துல வைச்சு அடிப்ப?” என்று தலையைத் தடவியவாறே முன்னாடி நிமிர்ந்துப் பார்க்க அங்கே எஸ்க்கலேட்டரில் கீழிறங்கியவன் அவள் அடிவாங்கியதைப் பார்த்து சூப்பர் அடி! சாவுடி என்று கழுத்தில் கைவைத்துக் காண்பித்துவிட்டுக் கோபத்தில் திரும்பிக்கொண்டான்.

அவன் அப்படிச் சொன்னதும் கோபத்தில் தனது கையில் இருந்த மித்ராவின் மகனைத் தூக்கி தனத்தின் கையில் வைத்தவள் ”இந்த உன் பேரைனைப் புடி இவனால்தான் எல்லாம்.என் கையில இருந்த ஜூஸை அந்தாளு மேல சிந்திவிட்டுட்டான். அதுக்குத்தான் அவன் தையா தக்கான்னு குதிச்சிட்டுப் போறான். இதுல நீ வந்து அவன் முன்னாடியே அடிக்கிற போம்மா” என்றவள் கோபத்திலும் எல்லார் முன்னாடியும் தனம் அடிச்சதுலயும் போய் அங்கிருந்த சேரில் உட்கார்ந்து விட்டாள்.

அதுக்குள்ளாக மோகனும் மித்ராவும் மகளோடு வந்துவிட என்னவென்று கேட்டு விசாரித்து நடந்ததை நினைத்து சிரித்துவிட்டனர்.

“அக்காஆஆ.. சிரிக்காத உன் மகனாலதான் எல்லாம்.பேசாம இரண்டுபேரும் போயிடுங்க. சிரிக்காதிங்க”என்று கோபப்பட்டாள்.

ருக்குமணிதான் அவளை சமாதானப்படுத்தி தன்னோடு அழைத்துப்போனார்.

அவளுக்கு மனசுக்குள் வந்த வலியை யாரும் புரிந்துக் கொள்ளவில்லை.

அங்கு அத்தனை பேரும் பார்த்துக்கொண்டிருக்கும்போது யூ அக்லி சாக்லெட் என்று சொன்னதன் அர்த்தம் எல்லோருக்குமே தெரிந்திருக்கும். அங்கிருந்த அத்தனைபேரும் நார்த் இன்டியன் அவங்களோட இயற்கையான நிறமே பால்கோதுமையின் நிறம். நான் மட்டும்தான் சவுத்இன்டியனாக இருந்தேன். அதையும் இப்படிக் கேவலமா நிறத்தை வைச்சுச் சொல்லிட்டுப் போயிட்டானேன்னு அவளுக்கு வலித்தது.

அப்படியென்னும் அவள் சாக்லெட்டின் நிறமில்ல. மித்ராவைவிடக் கொஞ்சம் கவர் குறைவு அவ்வளவுதான். இவன் எதுக்கு அப்படி சொல்லணும்? மறுபடியும் அவன் என் கண்ணுல மாட்டட்டும். அவன் கண்ணை நோண்டிருதன்னு கோபத்தில்தான் அன்று முழுவதும் சுத்தினாள்.

அவளது கோபமும் நியாயமானதுதானே!

ஆயுஷ் இப்போது சிராக்கோடு அன்றைய விடுமுறை தினத்தில் தனது நண்பனுடைய பிறந்தநாளைக் கொண்டாடுவதற்காகப் போய்க் கொண்டிருந்தான்.

ஜூஸினால் கறைபடிந்த சட்டயைக் கழற்றிவிட்டு வேறு சட்டையை வாங்கிப் போட்டுக்கொண்டான்.

இப்போது பார்ட்டியில் இருக்கும்போது சிராக் நடந்த விசயத்தைச் சொல்லி பிரண்டஸ்ஸோடு போசிக் கலாய்த்துக் கொண்டிருந்தான்.

அப்போதுதான் ஆயுஷுக்குமே தான் செய்தது தவறு என்று தோன்றியது. ஆனால் கடைசிவரைக்கும் அவள் சாரி சார் என்று சொல்லவேயில்லையே. அப்படிப்பட்டத் திமிர்காறிக்கு நம்ம பதில் கொடுத்தது தான் சரியென்று நினைத்துக் கொண்டான்.

அவனைப்பொறுத்தவரையில் சாதாரணமான ஒரு மிடில்கிளாஸ் பொண்ணு பணிஞ்சு போகாமல் எகிறிப்பேசினதுதான் அங்கே பிரச்சனை.

தனது ஸ்டேட்டஸ் தனது நிலையெல்லாம் அவனைக் கொஞ்சம் கர்வத்தோடுதான் நடக்க வைக்கும்.

தன் ஆபிஸில் வேலைசெய்பவர்களிடம் எவ்வளவுதான் நல்லதாக நடந்து கொண்டாலும் அவர்களுக்கான இடம் எதுவோ அந்த வட்டத்துக்குள்ளாகத் தான் இருப்பான்.

மோகன் பிரீத்தா விசயத்திலும் அப்படித்தான் நினைத்தான்.

என்னதான் நல்லவன் வல்லவனாக இருந்தாலும் கொஞ்சம் தனது ஸ்டேட்டஸில் இருந்து தள்ளியே வைத்திருப்பான்.

அவர்களுக்கு இணையாக தானது ஸ்டேட்டஸ்ஸை இறக்கிக் கொள்ளமாட்டான். அதனால் தான் பிரீத்தா மோகனைக் காதலிக்கிறாள் என்று தெரிந்ததும் மோகனை ஒதுக்கி வைக்க என்ன வேணும்னாலும் செய்ய தயாராக இருந்தான்.

நல்லவேளை அவனாகவே மித்ராவை திருமணம் செய்து கொண்டு வந்துவிட்டான். இல்லையென்றால் தனது தங்கையின் வாழ்க்கைக்காக இறங்கி ஆடியிருப்பான். மோகனிடம் இருந்து பிரீத்தாவை பிரித்து தனது வில்லத்தனத்தைக் காண்பித்திருப்பான். அதை காண்பிக்க அங்கு இடமே இல்லாத போனது.

பிரீத்தாவுக்கு இனி தனது அண்ணனின் இன்னொரு முகம் தெரிய வாய்ப்பில்லை ஆனால் ஆயுஷ் தனது இன்னொரு முகத்தை காண்பிக்க நேரமும் வந்தது.

அவனைவிட வில்லாதி வில்லன்கள் இருக்கிறார்கள் என்பதையும் காணப் போகிறான்!